Case todas as actividades se realizan nos locales da Asociación de Veciños, os cales se utilizan para todo tipo de eventos, gastronómicos, musicais (lugar de ensaio e sede da Coral da Mezquita e mais da Banda de música), reunións veciñais, pabellón de pintura, ximnasio, etc.

Estos locales agora destinados a disfrute dos veciños, sempre estiveron ligados a cultura, xa que antes foron Escola Parroquial e nela formáronse o longo dos anos case todos os habitantes da Mezquita.

Na "escola" como aínda lle chama todo o mundo, impartironse clases de manualidades, grabados de pintura, música, cociña, asi como ximnasia de mantemento para os habitantes de aqui e doutros pobos cercanos.

Actualmente impartense clases de:

- Ximnasia de manteñemento (Os martes e xoves)

- Encaixe de bolillos (Próximo a rematar)

Coral da Mezquita

Hai que reseñar neste apartado da cultura a labor de expansión e de recoñecemento nacional que para o pobo representa a Coral da Mezquita, composta na súa totalidade por veciños do pobo e dirixida por D. Baldomero Borrajo

Canción da Mezquita, interpretada pola coral.

Albino Núñez Domínguez (A Mezquita, 13 de decembro de 1901 - † Ourense, 1974)

Escritor, pedagogo e poeta galego. Pasou case toda a súa vida como mestre e logo como director escolar en distintas localidades das catro provincias galegas

Á parte do seu labor educativo, Núñez Domínguez realizou estudos xeográficos, de toponimia e literarios, colaborou asiduamente na prensa –La Región, La Voz de Galicia, Faro de Vigo, La Noche, Lar, Vieiros, ABC, El Pueblo Gallego, Irmandade (Caracas)...– e traduciu ao galego poemas de Antonio Machado.

Gran parte da obra de Albino Núñez Domínguez permanece inédita, pero actualmente está en proceso de publicación. Pódense citar, como interesantes traballos da súa autoría:

Parnaso Galaico (1956)
Musa Galega (1957)
A nosa fala (1958)
Maruxa ou a femineidade' (1958)
Grandezas e miserias da nosa terra (1959)
Nin lendas negras nin historias brancas (1962)
Toponimia galaica (1965)
Romance de Castrelo de Miño
Así mesmo, é autor do libro "Temas de pedagogía" (1963),

Temos que destacar tamén o labor de expansión dun personaxe singular, un artista adoptivo do pobo, que un bo día chegou para quedarse e conquistarnos a todos, e para levar os cantos e o recordo da Mezquita por toda España.

Trátase do cantautor Aquilino González, persoa polifacética, que dende os seus oríxenes Carballinenses chegou a Mezquita como pintor subrealista, (os seus traballos pódense ver por moitos bares da zona). Aqui volve a retomar as súas ilusións de cantautor e, entre innumerables cancións das súas vivencias e aventuras, compuxo unha dedicada a sua compañeira e o pobo "La Mezquita" que para todos nos representa case un Imno.

Letra da canción